![](/web/cache/scene/uploads/fotos/foto/036/_S7QytKoutjK3UsovKMnMzytWsi62MjawUqrKz891Lsov0DGzMN_/_AxNjDQSU7NK0kt0snNTEnJSVWyrgUA_/553d5cea94-11059159_819959941416261_6139574783569440043_o.jpg)
© Arosa SC
Goleada do Arosa (3-0) sobre un Ribadeo que paga caro o seu atrevemento
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
O atrevemento co que o Ribadeo se plantou na Lomba pasoulle factura en forma de goleada. O Arosa saíu convencido de que esta era a súa última oportunidade de engancharse ao tren de cabeza e marcou rápido, abrindo unha vantaxe de dous goles antes do minuto 20 que lle permitiu manexar o partido ao seu antollo.
Quique Cubas reencontrouse co gol despois dunha longa seca, conseguindo o primeiro tanto aos 11 minutos. Logo Eloy poñía un centro medido á área para que Nando batese a Javi Liz cun gran remate de cabeza.
Co 2-0 o Arosa cedeu o balón aos visitantes, que poñerían en apuros a Jorge en dúas ocasións. Primeiro cun disparo de Santi, e posteriormente nun remate de cabeza de David que se vai por enriba do longueiro.
A segunda parte seguiu con ocasións dun atrevido Ribadeo, pero sería o Arosa o que sentenciara cun novo gol de Quique Cubas apenas cumprida a hora de xogo. O delanteron desfaise dun defensa e bate a Javi Liz.
Os tres puntos permiten ao Arosa situarse a cinco do cuarto posto que ocupa o Choco, aínda con opcións de disputar o play-off.
AROSA SC (3): Jorge; Juanjo, Nano, Martín, Alfonso, Rivas, Nando, Juan Rodríguez (Pablo Vázquez, min. 83), Quique Cubas (Javi Pazos, min. 75), Adrián Camiño e Eloy (Gregorio, min. 49).
RIBADEO FC (0): Javi Liz; Fernando, Isma (Adrián, min. 69), Coki, Álex, Dapo, Rafa, Miguel (Jacob, min. 69), Cris, Santi e David (Cube, min. 78).
Árbitro: Rubén Extremadura Hernández (Vigo), auxiliado nas bandas por Cristian Vázquez Martínez e Carlos González Fernández. Amoestou a Juanjo e Nano, polo Arosa, e a Álex, Miguel, Santi e David, polo Ribadeo.
Goles: (1-0) Minuto 11: Quique Cubas. (2-0) Minuto 18: Nando. (3-0) Minuto 61: Quique Cubas.
Incidencias: Campo Municipal da Lomba (Vilagarcía de Arousa). Uns 500 espectadores.
Relacionadas:
-
O Deportivo B consegue o subcampionato a custa dun Arosa que di adeus ao play-off (3-1)
Por Redacción |
-
O Bergantiños (1-0) deixa ao Arosa a expensas dun milagre para meterse no play-off
Por Redacción |
-
As sancións castigan o Arosa tras o derbi contra o Pontevedra
Por Redacción |
-
Pablo Carnero fai xustiza e decide no minuto 96 un derbi polémico entre Arosa e Pontevedra (1-2)
Por Ramiro Espiño & Diego Torrado |