O Arxil despídese do ascenso tras caer ante o CREF ¡Hola! (65-78) na terceira xornada do play-off
Por Redacción
Polo basket average quedou fóra o Arxil da final polo ascenso á Liga Feminina. O Plenilunio, que perdeu ante as verdes na primeira xornada, saíu beneficiado do triplo empate na segunda praza do grupo co Ensino, ao que gañou este sábado, e o propio Arxil.
Primeiro de grupo pasa o gran favorito, un CREF ¡Hola! que non deu opción ás pontevedresas este sábado grazas en parte a un primeiro cuarto no que marcou distancias coas de Mayte Méndez.
Da man dunha ex-arxilista, Tajay Ashmeade (14 de valoración nos primeiros minutos), as madrileñas escapáronse 14-32 no primeiro cuarto.
A partir dese momento o Arxil reaccionou e o duelo foi máis igualado, pero o conxunto verde non puido en ningún momento loitar pola remontada ante o control do CREF.
As pontevedresas non se renderon e intentárono ata o final para despedirse coa cabeza alta da competición como premio a unha gran tempada.
CB ARXIL (65): Diarrá (16), Ana Román (13), Ana Martín (1), Carla (9), María Lago (7) -cinco inicial- María González (9), Cristina, Sandra (2), Lewis (8).
CREF ¡HOLA! (78): Ross (9), Ramos (5), Bettencourt (18), Romberg (10), Ashmeade (19) -cinco inicial- Esther Moreno (13), Rubene (4), Paula Domínguez, María Espín.
Árbitros: Morales Ruiz e Marín Abad. Eliminada por faltas Rubene nas madrileñas.
Parciais: 14-32, 19-14, 19-18, 13-14.
Incidencias: Partido disputado no Pazo Provincial dos Deportes de Lugo.
Relacionadas:
-
Pechar a continuidade do actual plantel, principal preocupación do Arxil
Por Redacción |
-
A mellor clasificación na historia do Arxil
Por Redacción |
-
A falta de acerto en ataque nos minutos finais condena o Arxil á derrota ante o Ensino (55-46)
Por Diego Espiño |
-
Estrea con vitoria do Arxil ante o Plenilunio (61-52) no play-off de ascenso
Por Diego Espiño |
-
Con ilusión e sen renunciar a nada encara o Arxil o inicio da fase de ascenso
Por Diego Espiño |