A falta de acerto en ataque nos minutos finais condena o Arxil á derrota ante o Ensino (55-46)
Por Diego Espiño
A un paso quedou o Arxil de certificar a súa presenza nas finais polo ascenso do próximo domingo, pero non puido pechar ante o Ensino unha vitoria que tivo ao alcance da man.
O conxunto pontevedrés era sabedor de que un triunfo lle clasificaba tras o resultado do outro partido do grupo, no que o CREF ¡Hola! madrileño gañou sen apuros ao Plenilunio.
Con esa idea saíu á cancha o equipo de Mayte Méndez, que formulou un choque moi aguerrido en defensa, cunha zona que se lle atragoou ás lucenses pero que finalmente cedeu nos últimos minutos.
O partido comezou moi igualado, cun parcial inicial de 9-10 para as verdes que ampliarían ao descanso (21-26).
As porcentaxes en tiro eran moi baixas en ambos os dous bloques, de feito o Arxil rexistrou un pobre acerto do 19% en tiros de 2, pero o Ensino non era capaz de remontar o electrónico, ata que chegou o último e definitivo cuarto.
Aos últimos dez minutos chegouse 34-37 favorable ás pontevedresas, pero nada máis comezar dúas triplas das lucenses daban a volta ao marcador.
Reaccionaron as de Mayte Méndez igualando o partido a falta de catro minutos (42-42) para chegar a un final de infarto que se decantou do bando local.
Ao Arxil fíxoselle pequeno o aro e a pesar de que mantivo as súas opcións ata o último minuto, cando Lewis e María Lago fallaron senllas triplas para empatar o encontro, o Ensino temperou os nervios para conseguir un triunfo que lles mantén con vida.
O pase ás finais decidirase este sábado, xornada na que o Arxil deberá gañar ao CREF ¡Hola! para seguir soñando no ascenso á máxima categoría do baloncesto feminino nacional.
DÿRÁN MAQUINARIA ENSINO (55): Tamara Montero (7), Gema García, Mireia Navarrete (16), Marta Lema (2), Suttles (5) -cinco inicial- Sara Cuíña, Reggiardo (8), Rocío Varela, Tatiana (17).
CB ARXIL (46): Diarrá (12), Ana Martín (3), Carla (7), María Lago (4), Fallon Lewis (2) -cinco inicial- Ana Román (6), María González (8), Cristina, Sandra (4).
Árbitros: Martínez Rodríguez e Murillo Khon. Eliminada por faltas Suttles no Ensino.
Parciais: 9-10, 12-15 (21-26), 13-12 (34-37), 21-9 (55-46).
Incidencias: Partido disputado no Pazo Provincial dos Deportes de Lugo.
Relacionadas:
-
A mellor clasificación na historia do Arxil
Por Redacción |
-
O Arxil despídese do ascenso tras caer ante o CREF ¡Hola! (65-78) na terceira xornada do play-off
Por Redacción |
-
Estrea con vitoria do Arxil ante o Plenilunio (61-52) no play-off de ascenso
Por Diego Espiño |
-
Con ilusión e sen renunciar a nada encara o Arxil o inicio da fase de ascenso
Por Diego Espiño |
-
O ascenso do Arxil pasa por Lugo
Por Redacción |