Xornada de portas abertas ante o Ártabro para empurrar o Cisne á fase de ascenso
Por Redacción
Despois dunha tempada na que raiou a perfección, con 25 triunfos nas 27 xornadas disputadas, o Club Cisne Balonmán busca este sábado asegurar de xeito matemático a súa presenza na fase de ascenso á División de Honra Prata.
Para lograr o obxectivo de ser campión de grupo o club pontevedrés necesita polo menos un empate na visita ao Centro Galego de Tecnificación Deportiva (sábado ás 17:30 horas) do Ártabro Novo Mesoiro, equipo inmerso na loita pola permanencia.
A directiva cineísta, en prol de crear un bo ambiente que pulo ao equipo cara á fase de ascenso, decidiu fixar o partido de portas abertas.
Trátase de "agradecer a fidelidade da afección que soubo estar tamén co equipo nos momentos duros e complicados, polo que se gañamos o sábado, nos gustaría dedicarlles o título", explicou Santiago Picallo, presidente do club.
O Cisne aspira ademais a organizar a fase de ascenso en Pontevedra, polo que mostrou o seu interese á Federación Española de Balonmán, que debe decidir a sede nas próximas semanas.
Relacionadas:
-
O Cisne reláxase pensando no play-off e déixase soprender (27-29) polo Luceros
Por Redacción |
-
Unha mala arbitraxe axuda ao Seis do Nadal a desfacerse (26-25) do Cisne
Por Redacción |
-
Campións! O Cisne sentencia a liga regular ao impoñerse con comodidade (34-22) ao BM Ártabro
Por Ramiro Espiño |
-
As indivualidades salvan a un discreto Cisne ante BM Pontevedra (28-30) e déixano a un punto do título
Por Ramiro Espiño |