Cultural Areas resístese ao descenso e mete na lea o Xuventú Sanxenxo (2-0)
Por Redacción
Resístese o Cultural Areas a un descenso que parece cantado dende hai bastantes xornadas. Se hai unha semana sorprendía o Ribadumia na Senra, nesta ocasión impúxose o Xuventú Sanxenxo, ao que mete nun serio problema, sobre todo tras a vitoria nesta xornada do Boiro, que deixa aos de Calucho en postos de descenso.
O equipo adestrado por Fonsi Valverde foi mellor, pero os amarelos dispuxeron de ocasións que non aproveitaron, volvendo demostrar a súa falta de pegada, fallando mesmo un penalti.
Tito Romero abría o camiño do triunfo local nunha xogada persoal, pouco antes do descanso, cun tiro cruzado que sorprende a Vila e pouco despois de continuado o xogo os locais lograrían o segundo tras un saque de banda que aproveita Couso.
A partir de aí o Xuventú Sanxenxo foise arriba e tivo as súas ocasións nun remate de Alfonso e un disparo de Pablo Lede que se estrelou no poste.
O mesmo Pablo Lede puido abrir a porta á esperanza para os seus no minuto 83, pero desperdiciou un penalti que detivo o meta local Sebas. Logo Weller e Cuadrado nos últimos compases enviaron tamén senllos remates á madeira.
CULTURAL AREAS (2): Sebas; Hugo, Salva, Belfortti, Costas, Ramos (Cañi, min. 84), Couso (Mota, min. 65), Titi Romero, Weller, Luismi (Marcos, min. 74) e Cuadrado.
XUVENTÿ SANXENXO (0): Vila; Ramón, Diego Peña, Emilio, Rubén (Diego González, min. 44), Pablo Lede, Muradas, Jonathan, Cuchi (Hugo, min. 70), Guille e Alfonso.
Árbitro: Antonio José Leiras Martínez (Lugo), auxiliado nas bandas por Tania Fente Pena e David Jiménez Jiménez. Amoestou os xogadores locais Costas e Titi Romero.
Goles: (1-0) Minuto 40: Titi Romero. (2-0) Minuto 47: Couso.
Incidencias: Campo da Lomba (Areas). Uns 200 espectadores.
Relacionadas:
-
O Xuventú Sanxenxo agárrase á categoría a custa de sentenciar ao Laracha (2-3)
Por Redacción |
-
Xuventú Sanxenxo afúndese ao perder a final pola permanencia (0-3) ante o Boiro
Por Redacción |
-
Empate entre Xuventú Sanxenxo e Silva (1-1) que non deixa contento a ninguén
Por Redacción |
-
De novo unha expulsión lastra o Xuventú Sanxenxo e impídelle completar a sorpresa en Vilalba (1-1)
Por Redacción |