Un efectivo Portonovo lévase o derbi ante o Villalonga (0-1)
Por Redacción
Un solitario gol de Álex Cubas na segunda metade, no minuto 55, foi suficiente para que o Portonovo se levase os tres puntos en xogo no derbi ante o Villalonga.
O cadro arlequinado tirou de efectividade e solvencia para achegarse un pouco máis ao ascenso.
Os locais dominaron gran parte do choque, pero non concretaron os seus achegamentos ao marco do Portonovo e rematárono pagando.
O equipo visitante aproveitou unha das súas poucas ocasións e despois defendeuse con acerto en inferioridade numérica para quedar con tres puntos que o manteñen na segunda praza con sete puntos de renda sobre o terceiro.
Pola súa banda o Villalonga queda na sétima praza con 46 puntos, a cinco do cuarto posto.
VILLALONGA FC (0): Berto, Paco (Jesu, min.56) Darío, Alberto Villar, Adrián (Campos, min.50), Arias, Manu (Albert, min.61), Chiño, Machu, Cerqueiras (Héctor, min 66), Alberto Rey.
PORTONOVO SD (1): Iván Parada, Iván Renda, Agra (Marcos, min.71), Gándara, Suso Bea, Brian, Álex Cubas (Sieiro, min.86), Víctor, Hugo Soto (Berto, min.75), Nacho, Luis Alberto (César, min.79).
Árbitro: Gil Soriano. Amoestou aos locais Adrián e Albert e aos visitantes Suso Bea, Brian e Nacho. Expulsou por dobre amarelo a Víctor (min.44) no Portonovo.
Gol: 0-1 Álex Cubas (min.55).
Incidencias: Partido disputado no campo de San Pedro, Vilalonga.