O SAPO comeza con bo pé a tempada de verán de salvamento e socorrismo
Por Redacción
A praia de Ladeira, en Baiona, acolleu o inicio da tempada de verán de salvamento e socorrismo deportivo.
Na primeira xornada déronse cita os clubs federados na Federación de Salvamento e Socorrismo de Galicia (FESSGA): Club Sasa, Sysca, Umia, Salvamento Arteixo, Cerceda, Vilagarcía, Ourense, SAL, Corsal, A Estrada, PC Salvamento Sanxenxo e Salvamento Acuático Pontevedra (SAPO).
O club pontevedrés empezou con bo pé a competición, ao proclamarse vencedor na modalidade de relevos sprint praia en idade cadete cun equipo formado por Anxo López, Daniel Belda, Hugo Calvo e Jose Maria Villaverde.
Ademais o relevo infantil masculino, no que formaron Sergio Mendez, Carlos Montagut, Alexandre Méndez e o mozo alevin Alejandro Villaverde, foi subcampión.
Os participantes nesta primeira xornada afrontaron probas como táboa, sky, bandeiras ou sprint praia.