O Leis feminino mantén as súas opcións de permanencia tras empatar en Vimianzo
Por Redacción
Oportunidade perdida para o Leis Pontevedra FS no seu desprazamento a Vimianzo.
O conxunto pontevedrés non logrou superar o seu principal rival pola permanencia na Segunda División Feminina, o Fisober, pero logrou un empate (3-3) que mantén intactas as súas opcións a catro xornadas para a conclusión da liga.
O choque caracterizouse pola igualdade e as alternativas dende os primeiros minutos. Con todo o Leis logrou chegar ao decanso en vantaxe grazas ao gol de Ali.
As locais igualaron o inicio do segundo acto, pero as de David Muñoz volveron poñerse en vantaxe aos 28 minutos por medio de Anita.
Non obstante as pontevedresas non puideron conservar a vantaxe do 1-2 primeiro e do 2-3 despois, cun Fisober que empatou nos últimos instantes xogando de cinco.
FISOBER FSF (3): Leticia, Ana, María, Myrella, Raquel -cinco inicial- Tamara, Inés, Noelia.
LEIS PONTEVEDRA FS (3): Tami, Jessy, Ali, Mar, Marta -cinco inicial- Tamara, Bibi, Anita, Patri.