Importante triunfo do Portonovo ante o Gondomar (2-1)
Por Redacción
Unha xornada menos e o Portonovo segue consolidado nos postos de ascenso a Terceira División.
O conxunto arlequinado gañou con merecemento ao Gondomar (2-1) en Baltar para manter os sete puntos de renda con respecto á terceira praza.
Adiantáronse os locais aos 33 minutos cun gol de Manu Sieiro que facía xustiza ao bo inicio de partido no que non notaron a ausencia do seu goleador, Hugo Soto.
Diego parecía encarrilar o choque co 2-0 de penalti aos 71 minutos, pena máxima que deixaba ademais en inferioridade o Gondomar.
Malia iso o equipo visitante non se rendeu e recortou distancias a falta de cinco minutos, pero non foi capaz de lograr a igualada deixando a vitoria na casa.
PORTONOVO SD (2): Iván Parada (Daniel, min.73), Marcos, Gándara (agra, min.82), Iván Renda, Suso Bea, Álex Cubas, Nacho, Brian (Víctor, min.59), Manu Sieiro (Aarón, min.54), Luis Alberto, Diego (Pablo Blanco, min.78).
GONDOMAR CF (1): Ismael, Pablo Costas (Cantero, min.82), Borja, Alejandro (Nicolás, min.46), Ferro, Jaime, Michael, Diego Martínez, Hermida, Pousadela (Iago, min.84), Silvio (Mario, min.73).
Árbitro: De la Torre Sas. Amoestou a Diego, Marcos e Gándara no Portonovo e a Hermida no Gondomar. Expulsou por vermello directo aos visitantes Hermida (min.70) e Jaime (min.90).
Goles: 1-0 Manu Sieiro (min.33), 2-0 Diego de penalti (min.71), 2-1 Nicolás (min.87).
Incidencias: Partido disputado no campo de Baltar, Portonovo.