Bo sabor de boca no Galaico Sincro tras participar no Campionato de España Júnior
Por Redacción
O Club Galaico Sincro representou á natación sincronizada galega no Campionato de España de Inverno Júnior celebrado en Valladolid.
A piscina Parquesol da localidade pucelana recibiu á delegación do club pontevedrés, composta por deportistas en idade xuvenil e de último ano infantil.
O club cualifica os resultados obtidos como "excelentes" tras colocar unha das súas nadadoras infantís na posición 40 da competición de figuras, malia medirse deportistas de maior idade e que adestran na súa maioría en centros de alto rendemento.
Esa posición, undécima entre as participantes da súa mesma idade, levaría consigo en caso de mantela nas próximas citas un posto de acceso ás probas para a Selección Nacional Infantil, preludio da Copa Mediterránea.
O equipo do Galaico Sincro estivo composto en Valladolid por Ana Amatria, Laura Arias, Reyes Gómez, Eva Saldaña e Elisa Seoane.
CONCENTRACIÿN CO CLUB SINCRO MATARÿ
As instalacións do Complexo Deportivo Rías do Sur de Pontemuiños acollerá durante a Semana Santa unha concentración conxunta do Club Galaico Sincro e o Club Sincro Mataró.
Baixo a supervisión das adestradoras Diana Fernández e Carla Rodríguez están previstas unhas xornadas de adestramento intensivas de dez horas diarias durante cinco días.