O Leis feminino cede na visita do Humanes (1-3)
Por Redacción
O Leis Pontevedra non puido dar continuidade ao seu empate da pasada semana para achegarse ao obxectivo da permanencia na Segunda División Feminina.
As pontevedresas caeron ante o Club Humanes Basket (1-3) no Pavillón Municipal dos Deportes.
Nos primeiros minutos os dous equipos gozaron de ocasións para abrir o marcador, pero finalmente lograríao o conxunto visitante aos 7 minutos por medio de Roci.
Seguírono intentando a xogadoras adestradas por David Muñoz buscando a meta rival aínda que o que chegaría sería o 0-2 nun dobre penalti a escasos segundos para o descanso.
Na segunda metade o Leis recortou distancias cun gol de Mar aos 35 minutos, pero un minuto despois o Humanes sentenciaría para quedar cos tres puntos en xogo.
LEIS PONTEVEDRA (1): Tami Gándara, Ali, Bibi, Anita, Mar (1) -cinco inicial- Patri, Jessy, Marta, Tamara.
CLUB HUMANES BASKET (3): Lidi, Vero, Dumbi (1), Sandrita (1), Roci -cinco inicial- Sara, Rocío Pollatos (1), Pitu.
Goles: 0-1 Roci (min.7), 0-2 Dumbi (min.19), 1-2 Mar (min.35), 1-3 Sandrita (min.36).
Incidencias: Partido disputado no Pavillón Municipal dos Deportes de Pontevedra.