Cinco minutos de loucura e empate (2-2) que sabe a pouco ao Arosa en As Pontes
Por Redacción
Cinco minutos de loucura. Catro goles nese período. Alternativas, emoción e resultado que non gusta a ningún dos contendentes. As Pontes e Arosa sumaron un punto, pero os locais deixaron escapar unha ocasión de engancharse á loita polo play-off, mentres que o equipo vilagarciano cede terreo nas súas aspiracións, caendo ata a novena praza da táboa, aínda que segue a só tres puntos do seu obxectivo.
Adiantouse As Pontes nun penalti cometido sobre Nano que lanzou Bossa. Lucas rexeitou o disparo, pero Dani recolleu o balón para abrir a conta. O Arosa daba a volta ao marcador con dous goles en apenas tres minutos, o primeiro de Eloy, que aproveitou un balón no segundo pau, absolutamente só, e o segundo case tras o saque de centro, obra de Nando.
Pero tampouco duraría moito a alegría visitante, porque As Pontes igualaba de novo tras unha falta sacada en curto por Bossa, que David Amado empalmou cun forte disparo.
A segunda parte mostrou bastante respecto entre ambos os dous conxuntos e apenas chegadas con perigo ás áreas.
CD AS PONTES (2): Marcos Souto; Hugo, Nano, Chote, Rochela, Dani, Iván (Samu, min. 87), Bossa, Javi (Álex Cabarcos, min. 64), David Amado (Fidi, min. 78) e Pablo Domínguez.
AROSA SC (2): Lucas; Juanjo, Álex Freire, Martín, Juan Rodríguez, Pablo Vázquez (Gregor, min. 76), Nando, Vixo, Quique Cubas, Adrián Camiño e Eloy (Javi Pazos, min. 76).
Árbitro: ÿscar López Fernández (A Coruña), auxiliado nas bandas por ÿdgar Soto Eiroa e Manuel Alejandro Lema Arranz. Amoestou aos locais Iván e Hugo, así como ao adestrador Iván Rodríguez, e aos visitantes Vixo, Álex Freire, Quique Cubas e Martín.
Goles: (1-0) Minuto 34: Dani. (1-1) Minuto 36: Eloy (1-2) Minuto 37: Nando. (2-2) Minuto 39: David Amado.
Incidencias: Campo do Poboado (Ás Pontes de García Rodríguez). Uns 150 espectadores.
Relacionadas:
-
O Arosa reengánchase superando o Cerceda (2-3) malia rematar con nove homes
Por Redacción |
-
Repartición de puntos (0-0) na Lomba que afasta a Arosa e Alondras dos postos de honra
Por Redacción |
-
Grave tropezo do Arosa que cae (0-2) ante un serio Rápido de Bouzas
Por Redacción |
-
O Arosa deixa escapar en dous minutos un partido que tiña case gañado ante o Choco (2-2)
Por Redacción |