Pablo Quintana imponse no autonómico sub-17 de squash antes de afrontar o Nacional en Pontevedra
Por Redacción
O Squash Pontevedra afrontará esta fin de semana coa moral alta o Campionato de España sub-13 e sub-17 que se celebra na casa, nas instalacións do Complexo Deportivo Rías do Sur.
Ponteumiños acollerá do venres 20 ao domingo 22 de marzo un campionato ao que chegará como un dos aspirantes ao título o pontevedrés Pablo Quintana, despois de proclamarse no Milladorio campión galego sub-17.
Quintana demostrou o seu grande estado de forma gañando sen ceder un set en todo o torneo, incluída a final ante o santiagués Arón Astray.
Na mesma categoría Diego Crespo e Jorge González, compañeiros no Squash Pontevedra, finalizaron terceiro e cuarto respectivamente.
Pola súa banda Sabela Rebollo foi terceira na categoría sub-17 feminina, ao igual que Juan González no sub-13 masculino.