Dúas ximnastas do Saraiba clasifícanse para o Campionato de España
Por Redacción
Bo papel do Saraiba ED Poio no Campionato Galego Base Individual de Ximnasia Rítmica disputado en Ribadeo.
O Saraiba compareceu cunha ximnasta infantil e catro en idade cadete, logrando clasificar dúas delas para o Campionato de España que se celebrará en Guadalajara do 23 ao 26 de abril.
Trátase de Iria Calvar e Laura Vázquez. A primeira delas proclamouse campioa galega despois de defender o seu exercicio de corda ante outras 16 deportistas.
Pola súa banda Laura Vázquez alzouse co título autonómico en categoría cadete competindo con cinta nun torneo que contaba con outras 24 ximnastas inscritas.
Estes resultados únense ao logrado polo club na modalidade de conxuntos, na que se proclamou subcampión galego o pasado mes de outubro.