Fase de ascenso asegurada para o equipo feminino do Voleibol Pontevedra
Por Redacción
A falta de dúas xornadas para o fin da liga regular, o equipo feminino do Club Voleibol Pontevedra asegurouse a súa participación na fase de ascenso a Primeira División.
Malia perder ante o Zalaeta, o conxunto pontevedrés pechou matematicamente a súa clasificación ao amarrar a segunda praza.
Ante o Zalaeta o partido caeu do lado visitante (2-3) tras perder o Voleibol Pontevedra de xeito axustado os dous primeiros sets por 20-25 e 24-26.
A reacción na terceira e cuarta manga (25-12 e 25-19) devolveu ás pontevedresas ao encontro, pero non lograron culminar a remontada cedendo no desempate por 15-17.