Fin de semana madrileño para o Waterpolo Galaico
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/ee6/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/54cfb52df2-20150131-diegotorrado-galaico-vs-santiago-10.jpg)
© Diego Torrado
Intensa fin de semana a que espera o equipo sénior masculino do Club Waterpolo Galaico, que afronta en Madrid un 'stage' de dous días co obxectivo de acumular experiencia competitiva.
O equipo adestrado por Javi de Sáa xogará na capital catro partidos en só dous días contra equipos locais que lle servirán para preparar o tramo final de tempada coa disputa da semifinal polo título da Liga Galega de Primeira División.
O Galaico xogará o sábado en horario matinal ante o Real Canoe B, filial do conxunto que milita en División de Honra, e xa pola tarde enfrontarase ao CN Pozuelo.
Para o domingo quedarán os choques amigables ante o AR Concepción B, tamén filial dun equipo da máxima categoría, e ante o Brains Waterpolo.