O Teucro busca recuperar o seu mellor nivel no derbi ante o Academia Octavio
Por Diego Espiño
O Pavillón de Navia vestirase de gala para recibir o derbi provincial de balonmán entre Academia Octavio e Sociedad Deportiva Teucro (domingo 12:00 horas).
Os azuis non estarán sólos ao completarse o autobús de afeccionados posto a disposición polo club pontevedrés, ao que hai que sumar os seguidores que se desprazarán en coches particulares.
Todo por ver o líder da División de Honra Prata nun encontro no que a clasificación pouco importará. Así o entende o adestrador teucrista, Quique Domínguez, ao tratarse dun duelo de rivalidade no que pouco conta o feito ata agora, pois espera "un partido reñido, disputado y con mucha intensidad".
Domínguez conta cun ritmo alto de partido ante un Octavio "que está corriendo muy bien, haciendo transiciones rápidas que le dan goles fáciles", polo que espera recuperar a mellor versión do seu equipo na busca de dous puntos que lle permitan manter a súa cómoda renda á fronte da calsificación.
David Chapela seguirá de baixa, ao igual que César Armán, perdéndose o encontro, mentres Carlos Pombo podería ter os seus primeiros minutos despois da lesión sufrida na súa man.
Relacionadas:
-
O Academia Octavio tómase a revancha e supera o Teucro (34-29) no derbi
Por Redacción |
-
O Teucro pon un autocar a disposición dos seus seguidores para acudir a Vigo
Por Redacción |
-
Ricardo Amérigo salva o Teucro no seu día máis espeso (29-26) fronte ao Torrelavega
Por Ramiro Espiño & Diego Torrado |