Pontevedra aposta polo BTT cun calendario anual de catro probas
Por Diego Espiño
"Empezamos a darlle á bicicleta a importancia que ten". Así se expresou o concelleiro de Deportes de Pontevedra, Agustín Fernández, tras presentar nun mesmo calendario as probas de BTT que se disputarán na cidade ao longo de 2015.
A Roda do Demo, o Club Ciclista Farto e o Club Motañeiros A Roelo únense para promover conxuntamente os eventos que comezaron a organizar nos últimos anos relacionados coa bicicleta de montaña.
Desta forma a primeira cita do ano será a segunda edición da 'Ruta BTT Cidade de Pontevedra', que se celebrará o domingo 29 de marzo con saída e chegada na Avenida Monteiro Ríos e ascensión principal ao Lago de Castiñeiras.
A inscrición para esta ruta abrirase o 16 de febreiro ata o día 24 de marzo cun prezo de 6 euros, esperando superar o milleiro de participantes que deberán afrontar 45 quilómetros de percorrido de dificultade media coa opción de acurtar a ruta ata os 35 quilómetros.
A segunda proba do calendario será a 'Pontevedra 4 Picos Bike & Trail', que aglutina BTT e Trail de montaña. Terá lugar o 19 de abril cunha participación que se espera supere tamén a cifra de 1.000 deportistas. Polo momento son preto de 600 os confirmados nas diferentes disciplinas e modalidades ofertadas.
Tras ela chegará a 'Pontevedra 12 horas Non Stop' na súa segunda edición, prevista para o día 3 de outubro nos arredores do encoro de Pontillón do Castro, Verducido.
Por último pechará o calendario o 14 de novembro unha das probas da Liga Galega de BTT Orientación, para a que o club Montañeiros A Roelo ofrece formación na disciplina coa intención de que os afeccionados á bicicleta de montaña proben unha modalidade deportiva menos coñecida.
Relacionadas:
-
As 12 horas de BTT 'non stop' volven á carga buscando facerse accesible "para todo o mundo"
Por Diego Espiño |
-
A '4 Picos Bike & Trail' terá segunda edición en 2016 e márcase como obxectivo dobrar a participación
Por Diego Espiño |
-
A 'Pontevedra 4 Picos Bike & Trail' estréase ao grande
Por Diego Torrado |
-
Quenta motores a primeira 'Pontevedra 4 Picos Bike & Trail', unha proba "para toda la ciudad"
Por Diego Espiño |
-
Éxito de inscrición na primeira edición da Pontevedra 4 Picos Bike & Trail
Por Diego Espiño |
-
Multitudinaria segunda edición da Ruta BTT Cidade de Pontevedra
Por Diego Torrado |
-
Máis dun milleiro de ciclistas cítanse na II Ruta BTT Cidade de Pontevedra
Por Diego Espiño |
-
A 'Pontevedra 4 Picos Bike & Trail' achégase aos 400 inscritos a dous meses da súa primeira edición
Por Redacción |
-
Nace unha nova proba deportiva na cidade: a Pontevedra 4 Picos Bike & Trail
Por Diego Espiño |