Notable papel dos nadadores do Galaico no Nacional Infantil e Júnior por Autonomías
Por Redacción
Castelló acolleu a pasada fin de semana o Campionato de España de Natación Infantil e Júnior por Autonomías, con presenza de catro deportistas do Club Natación Galaico dentro da Selección Galega.
O máis destacado deles foi Juan David Hernández, terceiro clasificado no 200 braza e cuarto nos 100 braza en categoría infantil.
Ademais Águeda Cons foi sexta nos 400 e os 800 libre, Nuria Erselle novena nos 100 costas e décimo cuarta nos 200 libre e Daniel Sánchez foi undécimo nos 100 costas e duodécimo nos 400 estilos.
O Galaico foi o club que achegou máis nadadores a unha Selección Galega que finalizou no cuarto lugar da clasificación absoluta con 928 puntos tras Cataluña (1.315), Madrid (1.226) e Andalucía (1.208).