Dez xogadores do Teucro e tres do Cisne, convocados para disputar os campionatos de España de seleccións
Por Redacción
Ata trece xogadores pontevedreses comezarán o ano defendo as cores de Galicia nos campionatos de España de seleccións autonómicas, que se disputan entre os días 2 e 7 de xaneiro en Oropesa del Mar (Castelló).
A convocatoria dos técnicos galegos, para as categorías infantil, cadete e xuvenil, inclúe dez xogadores das categorías inferiores da Sociedad Deportiva Teucro e tres do Club Cisne Balonmán.
A maior representación dáse en idade xuvenil, na que cinco teucristas acudirán á cita co equipo masculino e unha, a gardameta Tania Pombo, co feminino.
Os seleccionados foron Héctor Gil, Felipe Lorenzo, Aser Costal, Sergio Altirriba e José Luis Arosa.
En categoría cadete estarán no combinado galego Alejandro Conde, do Cisne, e os xogadores do Teucro Sergio Lorenzo e Alejandro Gómez.
Por último en idade infantil Mario Chan e Daniel Gómez polo Teucro e Gonzalo Domínguez e Mateo Arias polo Cisne compoñerán a representación pontevedresa no nacional.