Segundo doblete para Bea Gómez no Nacional de Piscina Curta de Sabadell
![Diego](/web/cache/scene/uploads/xornalistas/foto/5df/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/570532d2ea-20160329-patxot-diego-espino-1009.jpg)
Por Diego Espiño
Bea Gómez Cortés empeñouse en reivindicarse no Campionato de España en Piscina Curta que se está a celebrar en Sabadell.
Tras quedar fóra do equipo nacional para o Mundial de Doha a pontevedresa estase mostrando nun bo momento de forma nadando en tempos que se achegan ás súas mellores marcas.
Eses rexistros valéronlle xa á pontevedresa catro medallas, pois ás dúas logradas na primeira xornada Bea sumou unha nova prata e un bronce no segundo día de competición.
A nadadora do Galaico finalizou segunda nos 400 estilos (4:32.47) sendo superanda pola intratable Mireia Belmonte (4:26.86), mentres nos 400 libre foi terceira (4:04.63) trala propia Mireia Belmonte (3:55.36) e Melani Costa (4:02.53).
Ata o momento pleno de podio nas catro probas nadadas por Gómez Cortés, e esa colleita podería aínda ampliarse na última xornada de competición na que Bea nadará os 100 braza e os 800 libre.
Pola súa banda Paula Goyanes logrou unha meritoria décimo sétima praza nos 400 estilos (4:54.72), distancia na que Nuria Erselle marcou un tempo de 5:14.34 (50ª). Goyanes tamén nadou os 200 costas terminando trixésimo quinta (2:20.08).
Ademais Iria García terminou no posto 33 (4:23.24) e Alicia Conde no 50 (4.29.63) dos 400 libre.
Tamén competiu o relevo 4x200 libre feminino, finalizando na sétima praza (8:16.23).
Relacionadas:
-
O Campionato Galego de Inverno, novo reto para o Club Natación Galaico
Por Redacción |
-
Broche de prata no Nacional de Piscina Curta para Bea Gómez coa súa quinta medalla
Por Diego Espiño |
-
Dobre medalla para Bea Gómez no arranque do Campionato de España de Piscina Curta
Por Diego Espiño |
-
O Galaico despraza oito nadadores a Sabadell para disputar o Nacional Absoluto de Inverno
Por Redacción |