O Galaico despraza oito nadadores a Sabadell para disputar o Nacional Absoluto de Inverno
Por Redacción
Oito nadadores do Club Natación Galaico participarán no LVIII Campionato de España Absoluto de Inverno que se celebrará entre os días 12 e 14 de decembro na localidade catalá de Sabadell.
A expedición do club pontevedrés, que partirá o xoves cara a Cataluña, está encabezada por Beatriz Gómez Cortés, que nadará as probas de 1.500 libres, 200 libres, 400 estilos, 400 libres, 100 braza e 800 libres; e por Paula Goyanes García, que fará o propio nas probas de 200 libres, 200 bolboreta, 400 estilos, 200 costas e 200 estilos.
O Galaico desprazará a Sabadell tamén a Iria García Pardavila, que nadará 400 libres e 800 libres; Nuria Erselle Martínez, que nadará 50 costas, 200 libres e 400 estilos; Lara Gómez Cortés, que nadará 1500 libres; e Alicia Conde Pazo, que nadará 400 libres.
Ademais, nas probas masculinas competirán Cristian Fernández Nieto, que nadará 800 libres; e Daniel Sánchez Louzán, que nadará 1.500 libres.
En total, neste Campionato de España Absoluto de Inverno participarán 131 clubs de toda España, que achegarán 638 nadadores, dos cales 343 serán homes e 295 mulleres.
Relacionadas:
-
Broche de prata no Nacional de Piscina Curta para Bea Gómez coa súa quinta medalla
Por Diego Espiño |
-
Segundo doblete para Bea Gómez no Nacional de Piscina Curta de Sabadell
Por Diego Espiño |
-
Dobre medalla para Bea Gómez no arranque do Campionato de España de Piscina Curta
Por Diego Espiño |
-
Bos resultados dos nadadores do Galaico na segunda xornada da liga galega de natación
Por Redacción |
-
O Natación Galaico logra seis medallas no Campionato Galego de Longa Distancia
Por Redacción |