IMD, Galaico e Amencer únense para facilitar o deporte para todos
Por Redacción
Os usuarios da asociación de persoas con dano cerebral Amencer-Aspace poderán realizar actividades de piscina no Complexo Deportivo Rías do Sur un día á semana grazas ao convenio subscrito co Instituto Municipal de Deportes e o Club Natación Galaico.
O IMD, a través das súas escolas deportivas, outorga unha axuda ao Galaico para que o club pontevedrés se faga cargo de tutorizar as actividades.
Ademais o club de natación sufraga o aluguer dunha das piscinas do complexo, a de 13x6 metros con auga a alta temperatura.
O obxectivo do convenio é facilitar o acceso a prácticas deportivas ás persoas con algún tipo de discapacidade.
A duración do acordo fixouse ata o 30 de xuño de 2015, pero a intención é mantelo en vixencia en próximas tempadas.