Máis dun millar de atletas inundaron Portas no Campionato Provincial Escolar de campo a través
Por Redacción
Os arredores da Azucreira, en Portas, recibiron o pasado fin de semana as clasificatorias zonais do Campionato Provincial Escolar de campo a través.
Máis de 1.000 atletas en idade benxamín, alevín, infantil e cadete déronse cita en dous días de competición, un para a zona de Val do Salnés (825 atletas) e outro para clubs de Pontevedra (410 deportistas).
Tivo que suspenderse por mal tempo o zonal correspondente ao Alto Salnés, polo que se disputará no mesmo escenario o mércores 26 de novembro.
Na competición para clubs de Pontevedra tivo un plan destacado a Sociedad Gimnástica, que acudiu cun centenar de atletas das súas escolas deportivas gañando a clasificación por equipos en catro das oito categorías disputadas.