O Portonovo salva os mobles remontando en Mondariz (3-3)
Por Redacción
Segue atascado o Portonovo, que se mantén no liderado por un punto tras encadear a súa quinta xornada sen gañar.
Ese punto foi o obtido en Mondariz, e visto o visto os arlequinados poden darse por satisfeitos tras remontar tres goles en contra nos últimos 20 minutos.
Adiantouse moi pronto o equipo local, aos dous minutos, e malia a igualdade que coa que parecía transcorrer o choque, o Mondariz ampliou a vantaxe ao inicio da segunda metade con dous tantos en apenas dez minutos.
Todo parecía visto para sentenza, pero o Portonovo seguiu intentándoo e no 68 César recortaba distancias.
O gol deu ás ao líder, que apertaba aínda máis o marcador por medio de Hugo Soto aos 76 minutos. A partir de aí asedio visitante que tivo recompensa no último minuto co segundo tanto de Hugo Soto.
MONDARIZ CF (3): Javier, Iván, Paramos, Hugo Tei, Juan , Pereira (José Luis, min.88), Enrique (Anxo, min.57), Jesús, Samuel, Isaac (Jose, min.58), ÿscar (Víctor, min.61).
PORTONOVO SD (3): Dani, Luis Alberto (Pablo Blanco, min.71), Gándara, Brian (Cristian, min.83), Agra, Aguín (César, min.63), Álex Cubas, Víctor, Hugo Soto, Nacho, Berto (Manu, min.54).
Árbitro: Rubio Aviñoa. Amoestou aos locais Isaac, Juan e Hugo Tei e aos visitantes Luis Alberto, Gándara, Pablo Blanco e Hugo Soto.
Goles: 1-0 Hugo Tei (min.2), 2-0 Pereira (min.54), 3-0 Enrique (min.55), 3-1 César (min.68), 3-2 Hugo Soto (min.76), 3-3 Hugo Soto, min.89.
Incidencias: Partido disputado no campo da Lagoa, Mondariz.