Portas acolle durante tres días os campionatos zonais de campo a través
Por Redacción
Os arredores da Azucreira, en Portas, acollen esta semana os campionatos zonais de atletismo campo a través.
Durante tres días, 20, 21 e 22 de novembro centos de atletas en idade escolar competirán en busca da súa clasificación para o Campionato Galego da especialidade.
O xoves 20 disputarase o Zonal do Alto Salnés, con participantes de Portas, Moraña, Caldas de Reis, Cuntis, Catoria e Valga.
Un día despois será a quenda para o Zonal Val do Salnés, que inclúe a escolares de Sanxenxo, Noalla, Meis, Meaño, Vilagarcía, O Grove, Cambados, Vilanova e Soutomaior.
Por último o día 22 pechará as xornadas o Zonal de Pontevedra de clubs, con deportistas de Pontevedra, Marín, Caldas de Reis, Cuntis e Moraña.
Os tres días a competición arrancará ás 10:30 horas da mañá coa participación de atletas en idade benxamín, alevín, infantil e cadete.