Primeiro triunfo en liga para o Waterpolo Galaico ao impoñerse con claridade en Vigo (5-9)
Por Redacción
Despois de iniciar a liga con dúas derrotas consecutivas, o Club Waterpolo Galaico inaugurou en Vigo a súa cuadrícula de puntos.
Segue sen recuperar o xogo que lle fixo campión da Liga Galega, pero o equipo pontevedrés evidenciou unha melloría que lle valeu para impoñerse con claridade ao RCN Vigo (5-9).
Os pontevedreses puxéronse en franca vantaxe no primeiro cuarto (1-4), e malia a igualdade do segundo período e o intento de reacción local no terceiro, non viron perigar o resultado.
Ao Galaico tócalle descansar na próxima xornada ligueira, polo que non volverá á competición ata o 13 de decembro ante o Marina Ferrol en Pontevedra.