Recepción municipal aos membros do ABP Sport, flamantes campións infantís de kick-boxing
Por Redacción
Dez deportistas do ximnasio ABP Sport de Pontevedra veñen de proclamarse campións galegos no torneo celebrado en Ourense o pasado 19 de outubro. Foi na modalidade de kick-boxing. Todos eles compiten en categoría infantil e teñen idades comprendidas entre os 8 e os 13 anos.
Foron recibidos este luns polo concelleiro de Deportes, Agustín Fernández, quen os felicitou polo seu magnífico campionato, no que se proclamaron campións por equipos.
Acudiron ao Concello de Pontevedra Carlos Rodríguez, Simón Riqueza, Alfonso Riqueza, Juan Carlos Bolaños, Jenifer Bolaños, Luana Galván, Carmen Lavía, Isaac Otero e Montse Santiago. Estiveron acompañados do seu adestrador, José Santiago.