Sétimo posto para Támara Echegoyen e Berta Betanzos no Campionato Sudamericano
Por Redacción
A volta á competición tras o Campionato do Mundo de Santander do pasado mes de setembro resultou positiva para Támara Echegoyen e Berta Betanzos por un lado e tamén para os irmáns Carlos e Antón Paz por outro.
Ambas as dúas tripulacións disputaron estes días en augas de Río de Janeiro el Campeonato Sudamericano.
O mellor resultado foi o do tándem Echegoyen-Betanzos no 49er FX, finalizando na sétima posición tras catro xornadas de intensa competición nas que o seu rendemento foi de menos a máis para acabar pelexando con algunhas das tripulacións máis fortes do panorama internacional.
O campionato levárono as holandesas Annemiek Bekkering e Rick Peacock nunha proba que serviu de toma de contacto co campo de regatas dos próximo Xogos Olímpicos.
Pola súa banda os irmáns Carlos e Antón Paz non lograron clasificarse para a Medal Race, tras concluír na décimo sexta praza no 49er.
Malia todo os vilagarcianos marchan de Brasil satisfeitos "coas melloras na nosa navegación en condicións nas que non estabamos de todo cómodos", manifestaron a través da súa páxina de Facebook.