Os problemas físicos castigan ao Poio FS na súa visita ao Universidad de Alicante
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
Logo de dúas derrotas consecutivas o Poio Fútbol Sala busca volver á senda do triunfo para manterse na zona nobre da clasificación, pero farao baixo mínimos.
As vermellas están xa na Comunidade Valenciana, onde este sábado (18:30 horas) enfrontaranse ao Universidad de Alicante.
Ademais da lesionada de longa duración Zulú, Morenín perde para a cita a Nerea Moldes, baixa durante polo menos tres semanas, mentres a capitá Charo será dúbida ata última hora debido a un golpe recibido no adestramento do mércores.
A convocatoria do Poio é a composta por: Silvia, Irene, Elena, Jenny, Paloma, Claudia, Tania, Yoly, Raquel Souza e Charo.