Tres de tres para o equipo feminino do Club Voleibol Pontevedra
Por Redacción
Grande inicio ligueiro do equipo feminino do Club Voleibol Pontevedra na Segunda División Autonómica.
O conxunto lerezano impúxose a pasada fin de semana por tres sets a cero ao Calasancias da Coruña para sumar o seu terceiro triunfo en tres xornadas de liga.
Tiveron que suar as pontevedresas na primeira manga, que se levaron por un axustado 26-24, pero tras ese parcial as visitantes baixaron o nivel para ceder os dous seguintes sets por 25-9 e 25-17.
Con este resultado o Club Voleibol Pontevedra colócanse segundo antes de afrontar, a próxima fin de semana, unha xornada de descanso.
O que volverá á competición despois de descansar é o equipo masculino, que deberá desprazarse á localidade coruñesa de Noia.