O Leis desperdicia unha renda de dous goles e remata caendo ante O Esteo (6-2)
Por Redacción
Resísteselle ao Leis Pontevedra o seu primeiro triunfo tras o ascenso a Segunda B.
O conxunto adestrado por Manu Cossío tívoo todo a favor na súa visita a As Pontes, onde caeu nos minutos finais ante O Esteo (6-2).
Nun grande inicio, os pontevedreses aproveitaron dúas accións de estratexia para adiantarse con goles de Pocho e Gus. Era o minuto 15, pero antes do descanso os locais recortaban distancias.
O partido cambiou na segunda metade, co Esteo dominando e voltenado rápido o marcador con tantos de Hector e Gerardo.
Co choque aínda sen decidir, o Leis cargouse rápido de faltas, o que aproveitaron os locais no tramo final para sentenciar con dous goles dende os 10 metros e outro cando os lerezanos actuaban con porteiro-xogador.
O ESTEO FS (6): Javichu, Pelu, Gerardo (2), Héctor (1), Cagi (2), Bolly, Lardín (1), Fran, Puas.
LEIS PONTEVEDRA (2): Dani Pereira, Alejandro, Carlos, Gus (1), Dani Taboada, Sergio, Pablo Durán, Barcala, Gabriel, Rubén, Pocho (1).