O acerto do Céltiga a balón parado provoca a primeira derrota do Portonovo en liga (2-1)
Por Redacción
Oito vitorias e un empate despois o Portonovo encaixou a súa primeira derrota do curso no Salvador Otero da Illa ante un Céltiga que aproveitou o balón parado para decidir.
Así chegou o primeiro gol local, obra de Javi Vidal á media hora, tras rematar un lanzamento de falta dende o costado. Co 1-0 chegaríase ao descanso.
Tras un primeiro tempo moi disputado, o Portonovo saíu na reanudación disposto a voltear o marcador, e fixo méritos para iso.
Brian aos 60 minutos lograba o empate nun gran disparo de falta. Todo parecía de cara para os arlequinados, que se envorcaron en busca do segundo tanto. Non obstante, no último minuto, outro golpe franco, dende medio campo supuxo o gol definitivo de Calo para os locais tras aproveitar o balón colgado á área para bater a Dani.
Malia todo o Portonovo se mantén líder con catro puntos de vantaxe sobre o Céltiga, segundo.
CÿLTIGA CF (2): Marcos, Borja Janeiro, Iago Nogueira, Carlos, Lucas (Marcos Castro, minuto 73), Jorge Segura, Iago Martínez, Roberto Pastoriza, Calo (Minso, minuto 89), Javi Vidal (Pedrouzo, minuto 61), Pablo Porta (Rubén, minuto 81).
PORTONOVO SD (1): Dani, Gándara, Iván Renda, Suso Bea (Agra, minuto 12), Álex Cubas, Víctor, Alberto Martín (Fontán, minuto 81), Nacho, Brian (Pablo Blanco, minuto 74), Manuel Sieiro (Cristian, minuto 88), Luis Alberto.
Árbitro: Pérez Camuerga, auxiliado nas bandas por Fariña Biasi e Villa Salvador. Amoestou aos locais Iago Nogueira, Lucas e Iago Martínez e aos visitantes Luis Alberto, Víctor, Gándara, Alberto Martín e Fontán.
Goles: (1-0) Minuto 30: Javi Vidal. (1-1) Minuto 60: Brian. (2-1) Minuto 89: Calo.
Incidencias: Partido disputado no campo Salvador Otero (A Illa de Arousa).