O Galaico Sincro dá un paso adiante participando na Liga Catalá
Por Redacción
Importante paso do Club Galaico Sincro no seu crecemento. O club pontevedrés converteuse no primeiro equipo galego en participar na prestixiosa Liga Catalá de Natación Sincronizada.
Fíxoo o pasado fin de semana no Centro Tecnificación de Barcelona na primeira xornada da liga de figuras, á que acudiu con catro nadadoras en idade infantil.
Reyes Gómez, Antía Ortego, Elisa Seoane e Eva Saldaña foron as protagonistas dunha postiva xornada, colocándose nalgún caso entre as 25 mellores e lograr mesmo un noveno posto.
A Liga Catalá achegou a pasada tempada case a metade das nadadoras interacionales nesta disciplina.
As competicións galegas comezarán o próximo mes de novembro cos primeiros controis de nivel.