Xusto reparto de puntos (0-0) entre Ribadumia e Sanxenxo nun partido que puido gañar calquera
Por Redacción
Acusou o Ribadumia as baixas dos seus dous dianteiros habituais, Sylla e Changui, malia o cal conseguiu dominar de inicio, aínda que sen crear moito perigo, a un Sanxenxo que buscaba roubar no medio campo para saír en rápidas contras.
Despois dun centro chut de Pacheco con perigo, a mellor ocasión foi para os visitantes, nun pase de Hugo a Ramón, que salvou Roberto Pazos (minuto 37). Pouco despois o mesmo Ramón remataría fóra cando se encontraba en boa posición para marcar.
Por parte local Álex Gómez viu como Vila se lle anticipaba ao seu remate, mentres a Martín se lle foi o balón rozando o poste. Foron as opcións de ambos os dous nun primeiro tempo equilibrado.
Na reanudación de novo saíu mandando o equipo de Gabi Leis, pero sen profundidade. Pola súa banda o Sanxenxo tivo unha excelente ocasión a partir dun saque en longo do seu porteiro que recolleu Hugo, pero só ante Roberto Pazos mandou o balón alto.
Co Sanxenxo acusando máis o cansazo que os locais, Adrián Padín puido facer que os puntos quedasen na casa a falta dun minuto, pero o seu disparo foise moi cruzado.
CD RIBADUMIA (0): Roberto Pazos; Pacheco (Arán, min. 80), Adrián Padrón, Miguel Vázquez, ÿscar Río; Martín (Giti, min. 84), Sidibé; Adrián Padín, Jesu, Nelo (David Pérez, min. 55); e Álex Gómez.
XUVENTÿ SANXENXO (0): Vila; Diego Peña, Deivi, Alfonso, Suso Martínez; Héctor, Jonathan (Dani Muradás, min. 81); Hugo, Cuchi (Guille, min. 91), Rubén (Nel, min. 65); e Ramón.
Árbitro: Sergio Espasandín Cores (A Coruña), auxiliado nas bandas por Juan Orozco Corredoira e Elisardo Javier Mella Fernández. Amoestou a Miguel Vázquez e Adrián Padrón, polo Ribadumia, e Jonathan, polo Xuventú Sanxenxo.
Incidencias: Campo Municipal da Senra (Ribadumia) Unos 250 espectadores.