Non foi rival o Poio Artai para un Cisne que conta os seus partidos por vitorias (38-25)
Por Redacción
Líder e último fronte a fronte. Cisne e Poio enfrontábanse nun partido desigual, poñendo a proba as súas traxectorias diametralmente opostas. E ambos os dous demostraron a razón da súa clasificación e a diferenza que hoxe por hoxe existe entre os dous conxuntos.
Os de Edín Covelo foron moi superiores de principio a fin, gañando con autoridade e sen problemas. Mesmo a diferenza puido ser máis avultada de non ser polo elevado número de exclusións sufridas polo conxunto local (oito, por só tres o Poio Artai), que fixo xogar ao conxunto branco en inferioridade numérica durante bastantes minutos.
Sexta vitoria consecutiva do equipo pontevedrés, que se mantén colíder co Seis do Nadal Coia, mentres o Poio é último, sen puntuar aínda.
BM CISNE (38): Toño Lafuente, Pablo Galán, Santiago Cuenca; Iván Abilleira, Edu Covelo (1), Álex Chan (5), Pablo Picallo (6), Andrés Sánchez (3), Rafa Dasilva, Miguel Simón (1), Javi Vázquez (4), Carlos Rodríguez (4), Pablo Vidal (3), Pablo Rey (5), José Javier Hermida e Pepe Camiña (6).
ED POIO ARTAI (25): Álvaro, Juanjo Novás; Víctor, Garrido (1), David Rodríguez (1), Miguel (2), Jorge Rodríguez (4), Fernando (3), Gabriel (1), Carlos (2), Erselle (5), Martín Tarrío, José Manuel Núñez (4), Alberto López (1) e Tomás (1).
Árbitros: Luis Ignacio Colmenero Guillén e Víctor Rollán Martín (Castela-León). Excluíron por dous minutos a Álex Chan (2), Edu Covelo (2), Rafa Dasilva, José Javier Hermida, Carlos Rodríguez e Andrés Sánchez, polo Cisne, e a Erselle, Carlos e Miguel, polo Poio.
Marcador (cada cinco minutos): 4-2, 9-3, 12-4, 15-6, 19-9, 21-13 (descanso), 24-15, 27-16, 29-18, 33-19, 35-22 e 38-25 (final).
Incidencias: Pavillón do CGTD (Pontevedra). Unhas 60 persoas.