O Portonovo non afrouxa e gaña con claridade a domicilio ante o Arenteiro (2-4)
Por Redacción
Catro goles de Hugo Soto fulminaron a resistencia do Arenteiro (2-4) para un Portonovo que non afrouxa o seu ritmo no alto da táboa.
O conxunto arlequinado tirou de pegada para decidir un choque no que sempre foi por diante no marcador.
Malia todo o Arenteiro non se deu por vencido e ata o minuto 88 de partido, co cuarto tanto de Hugo, o Portonovo non puido respirar tranquilo.
Os de Luis Oliveira son aínda máis líderes tras o seu triunfo e seguen sen ceder un só punto. Con 24 teñen xa nove de vantaxe sobre o terceiro clasificado.
CD ARENTEIRO (2): Marcos, Alejandro (Carlos, min.78), Cerdeira, Xosé, Daniel Álvarez, Dafonte, Yago, Víctor, Dani Vázquez (Álex González, min.64), Otero (Álex Santiago, min.71), Diego Quiroga (Adrián, min.64).
PORTONOVO SD (4): Iván Parada (Fernando, min.64), Dopazo, Gándara, Iván Renda, Agra, Álex Cubas (Manuel, min.88), Víctor, Nacho (Pablo Blanco, min.83), Brian, Luis Alberto (Martín, min.74), Hugo Soto (Cristian, min.89).
Árbitro: Samuel Gil Caldelas. Amoestou aos locais Daniel Vázquez ,Yago, Cerdeira e Dafonte e aos visitantes Nacho e Iván Renda. Expulsou ao xogador do Arenteiro Xosé por dobre amarelo (min.85).
Goles: 0-1 Hugo Soto, min.10; 0-2 Hugo Soto, min.16; 1-2 Ocampo, min.59; 1-3 Hugo Soto, min.61; 2-3 Adrián, min.69; 2-4 Hugo Soto, min.88.
Incidencias: Partido disputado no campo do Espiñedo.