BM Pontevedra non consegue frear o BM Chapela (30-23)
Por Redacción
Mantén o Chapela a súa loita por erguerse ao máis alto da táboa cunha victoría solvente fronte a un BM Pontevedra que nada puido facer ante a superioridade local. Os de Ramón Pazos mantiveron a igualdade unicamente os dez primeiros minutos. A partir de aí comezou o despegue do equipo de Fran Teixeira.
Se ben os visitantes reduciron lixeiramente a vantaxe para retirarse ao descanso con só dous goles por debaixo, na reanudación o cadro local ampliou pronto a diferenza ata os seis goles, que soubo levar con relativa comodidade ata o final.
CONSTRUCCIONES CASTRO BM CHAPELA (30): Daniel González; Chema Cid (8), Enrique Fernández, Leonardo, Fabián (3), Ángel Martínez (2), Adrián Blanco, Iago Cuadrado (2), Soliño, Carrera (4), Escudero (4), Miguel Sío (2), Pablo Casal (2) e Coque Fontenla (3).
BM PONTEVEDRA (23): Santi Picallo; Ansias (1), Pablo Vázquez (2), Fernando Rey (1), Santi Calvo (2), Javier Suárez, David Lagoa, Iago Rodríguez (3), Soliño (8), Iglesias (4), Gonzalo García (2), Gonzalo Eloy e Ángel Noya.
Árbitros: Pedro Eiras Abalde e Aarón Sestay Prieto (Galicia). Excluíron por dous minutos a Adrián Blanco e Pablo Casal (2) polo Chapela, e a Ansias, Fernando Rey, Santi Calvo (2), Gonzalo García e ao auxiliar Nacho Rey, polo conxunto visitante.
Marcador (cada cinco minutos): 2-4, 4-4, 8-5, 10-7, 12-8, 13-11 (descanso), 16-12, 20-14, 22-15, 25-20, 26-22 e 30-23 (final).
Incidencias: Pavillón Municipal de Chapela (Redondela). Uns 350 espectadores.