Dous goles de Raquel Souza tomban ao Gironella (1-2) e manteñen o Poio no tren de cabeza
Por Redacción
Con oficio e moito traballo o Poio Fútbol Sala vólvese de Cataluña mantendo a terceira praza da clasificación e a súa condición de invicto tras gañar ao Gironella nun apertado encontro (1-2).
Avisaba Morenín na previa de que a condición de pechacancelas das barcelonas non facía xustiza ao seu nivel deportivo, e non se equivocaba.
As locais dominaron o choque no seu inicio. Puideron adiantarse cun penalti lanzado por Anna Costa pero Silvia detivo o lanzamento, algo que non logrou uns segundos despois nun disparo que tras tocar no pau e a gardameta rematou dentro da portaría.
Co 1-0 chegaríase ao descanso, pero na reanudación o Poio saíu disposto a dar a volta ao marcador, algo que conseguiría con dous goles de Raquel Souza.
Restaban 13 minutos e o Gironella buscou a igualada, pero as vermellas tiraron de oficio para asegurarse os tres puntos.
GIRONELA FSF (1): Noe, Claudia Pons, Celia, Berta Ramos, Vieites -cinco inicial- Anna Costa, Lidia, Pilar Ribes.
POIO FS (2): Silvia, Souza, Charo, Paloma, Yoli -cinco inicial- Jenny, Claudia, Tania, Nerea, Elena.
Árbitros: Daniel Márquez e José Luis Romero. Amoestaron a Yoli no Poio e a Claudia Pons e Celia no Gironella.
Goles: 1-0 Claudia Pons, min.10; 1-1 Raquel Souza, min.23; 1-2 Raquel Souza, min.27.
Incidencias: Partido disputado no Pabellón Municipal de Gironella ante uns 200 espectadores.