A chuvia non detén o avance do Torneo Internacional ITF no Mercantil
Por Redacción
"Estase a caldear o ambiente, cada vez os partidos son máis igualados". Así define o director do torneo, Noli Álvarez, a actual situación do terceiro Internacional ITF de tenis que se está celebrando no Casino Mercantil de Pontevedra.
A pesar da chuvia a competición continúa o seu curso utilizando as pistas do pavillón e as dúas de terra batida, destinadas estas ao cadro feminino.
O torneo individual comeza a configurar os seus cuartos de final con algúns dos favoritos fóra de xogo.
Así na competición feminina a rusa Plina Novikova derrotou a unha das principais cabezas de serie, a romanesa Oana Gavrila (6-4 e 6-3). Destaca tamén a xogadora suíza Rebeka Masarova, que con só 15 anos se plantou en cuartos de final.
En canto ás xogadoras españolas mantense no torneo María Gutiérrez ao derrotar á italiana Federica Mordegan en, ata o momento, unha das remontadas da fase final (4-6, 6-3 e 7-5).
Pola súa banda no cadro masculino o primeiro cabeza de serie en caer foi o español Nicolás Moreno ante Tim Sandkaulen (6-3 e 7-6 (6)). Tamén se despediu o subcampión de España cadete Lucas Franco, que perdeu ante a promesa portuguesa Felipe Cunha nun igualado partido (4-6, 6-4 e 7-5).
O Torneo ITF continuará celebrándose ata o próximo domingo con entrada de balde para o público.
Relacionadas:
-
Anna Blinkova e Tin Sandkaulen, campións do III Torneo Internacional ITF de Pontevedra
Por Redacción |
-
Arranca a fase final do III Torneo Internacional ITF de tenis no Mercantil
Por Redacción |
-
O torneo ITF de tenis do Mercantil contará con algunhas das mellores raquetas internacionais en idade júnior
Por Diego Espiño |
-
15.000 euros para a celebración do III Torneo Internacional de Tenis ITF no Mercantil
Por Diego Espiño |