Respira o Villalonga co seu triunfo (3-2) ante un Pontevedra B que cae á última praza
Por Redacción
Un gol de Manu Nieto no minuto 80 deu os tres puntos a un necesitado Villalonga ante un Pontevedra B que cae ata o farol vermello da clasificación.
Adiantáronse pronto os locais, cun tanto de Cerqueiras xa no minuto 1, pero o filial granate reaccionou de inmediato e só un minuto despois lograba a igualada por medio de Manu.
O encontro mostrouse moi parello, e aínda que Machu puxo de novo por diante o Villalonga antes do descanso o Pontevedra B non lle perdeu a cara ao choque empatando de novo, no minuto 75 cun gol de Mario.
Cando a igualada parecía o resultado máis xusto Manu Nieto deu os tres puntos aos locais co seu tanto, un Villalonga que se sitúa décimo con nove puntos na súa cuadrícula.
VILLALONGA FC (3): Berto, Paco (Darío, minuto 63), Manu Santos, Antonio, Saúl, Alberto Villar (Víctor Giao, minuto 85), Machu (Héctor, minuto 89), Alberto Rey, Adrián Santos (Manu Nieto, minuto 75), Cerqueiras e Arias.
PONTEVEDRA CF B (2): Adrián, Dani Adán, Otero (Rodrigo Silva, minuto 46), Marou, Emilio (Mario, minuto 58), Corrales, Agus, Manuel Piñeiro (Brais, minuto 84), Sorgbordjor, Xurxo e Diego Lourenzo (Andrés, minuto 52).
Goles: (1-0) Cerqueiras, minuto 1. (1-1) Manu, minuto 2. (2-1) Machu, minuto 35. (2-2) Mario, minuto 75. (3-2) Manu Nieto, minuto 80.
Árbitro: Carlos González Fernández, auxiliado nas bandas por Lorenzo Álvarez e Claro Alonso. Amonestou a Antonio e Cerqueiras polo equipo local e a Dani Adán, Manuel Piñeiro, Emilio, Mario e Marou polo conxunto visitante.
Incidencias: Partido disputado no campo de San Pedro (Vilalonga).