A expulsión do porteiro Álex Vila afunde ao Xuventú Sanxenxo en Ribadeo (4-1)
Por Redacción
Demasiado lastre para o Xuventú Sanxenxo, que tivo que xogar case 70 minutos en inferioridade fronte a un Ribadeo que tirou proveito impoñendo o seu dominio, especialmente tras lograr dous goles en pouco máis de cinco minutos, ao ser expulsado o meta visitante, Ález Vila.
O equipo que dirixe Ángel Oliveira viu como o partido quedaba condicionado polo penalti e expulsión do seu porteiro no ecuador do primeiro tempo. Santi transformaba o máximo castigo e Rafa Casanova ampliaba distancias pouco despois.
Por se fose pouco, nada máis comezar a segunda parte chegaba o terceiro tanto que sentenciaba o partido, e aínda que Cuchi reduciu distancias, de novo Rafa Casanova marcaba para afastar calquera posibilidade de inquietar a vitoria local.
RIBADEO FC (4): Kiko, Coki, Isma, Brais (Fernando, min. 46), Cube, Dapo, Rafa Casanova, Andrés Bouza (Vilela, min. 46), David Rodríguez, Santi (Criss, min. 78) e Javi Pérez.
XUVENTÿ SANXENXO (1): Álex Vila; Pena, Suso Martínez, Héctor, Guille, Alfonso, Diego González (Deivi, min. 60), Jonathan (Tinaia, min. 86), Cuchi, Ramón e Rubén (Velay, min. 24).
Árbitro: Iván Domínguez de Bernardi (A Coruña), auxiliado nas bandas por Alberto Calvo Pérez e Bernardo Domínguez Manteiga. Expulsou con vermello directo o porteiro visitante, Álex Vila no minuto 22. Amoestou a Brais, Cube, Coki e Vilela, polo Ribadeo, e a Héctor, Cuchi e Jonathan, polo Xuventú Sanxenxo.
Goles: (1-0) Minuto 25: Santi, de penalti. (2-0) Minuto 30: Rafa Casanova. (3-0) Minuto 49: Javi Pérez. (3-1) Minuto 59: Cuchi, de penalti. (4-1) Minuto 70: Rafa Casanova.
Incidencias: Campo Municipal Pepe Barrera (Ribadeo). Uns 200 espectadores.