A fortaleza defensiva serve ao Poio FS para impoñerse (2-0) á AD Alcorcón
Por Redacción
Terceiras na táboa e único equipo invicto xunto co líder Futsi Atlético Féminas, nas cinco xornadas de liga disputadas. As rapazas do Poio FS seguen crecendo como equipo e aínda que esta vez tiveron á fortuna como aliada, a vitoria conseguida fronte a un equipo como a AD Alcorcón ten un mérito enorme, tanto pola potencialidade do rival, que aínda non fora derrotado, coma por deixar o portal de Silvia a cero, converténdose no equipo menos goleado da División de Honra.
Primeira parte igualada, coas de Morenín intentado sorprender os seus rivais nas transicións. O conxunto madrileño dominaba o xogo pero sen acerto no remate, estrelando dous disparos nos paus no primeiro tempo.
A reanudación seguiu coa mesma tónica, ata que case mediado este período final Raquel Souza, en xogada persoal tras controlar de costas habilitábase o espazo necesario marcando cun disparo a media distancia e adiantando o conxunto local.
O Alcorcón seguía dominando, pero o Poio defendíase con intensidade e acerto. A falta de catro minutos as oleiras recorrían ao xogo de cinco en busca da igualada, pero sería o equipo local quen lograra a sentenza por medio da súa capitá Charo, aproveitando un vistoso pase Souza.
POIO FS (2): Silvia; Raquel Souza, Claudia, Charo, Nerea -cinco inicial-, Paloma, Yoly e Elena.
AD ALCORCÿN (0): Eva; Isa García, Andrea Feijoo, Vadillos, Orive -cinco inicial-, Desirée, Cristina Llanos, Anita Luján, Leire e Soldevilla.
Árbitros: Borja Villamor e Pablo Becerra (Lugo). Amoestaron a Charo no Poio e a Anita Luján na AD Alcorcón.
Goles: (1-0) Minuto 28: Souza. (2-0) Minuto 38: Charo.
Incidencias: Pavillón Municipal da Seca (Poio). Uns 400 espectadores.