O Hospital Miguel Domínguez deixará de atender a futbolistas a partir do próximo martes
Por Diego Espiño
Lea no fútbol galego. A Asociación de Hospitais Privados de Galicia (Ahospgal), á que pertence o Hospital Miguel Domínguez de Pontevedra, anunciou este venres que deixará de prestar asistencia sanitaria aos futbolistas con ficha na Federación Galega de Fútbol (FGF) a partir do próximo martes 14 de outubro.
Esta decisión, segundo explicou en rolda de prensa a xerente de Ahospgal, Marta Taboada, baséase na falta de acordo coa Federación sobre os protocolos de actuación que garantían a asistencia a xogadores lesionados.
Tras ser consultada por ao respecto a Federación Galega de Fútbol aclarou a PontevedraViva que a medida afecta ás categorías de biberóns, xuvenís e afeccionados, incluída a Terceira División.
A medida afecta ás categorías de biberóns, xuvenís e afeccionados, incluída a Terceira División
O resto de categorías inferiores (benxamín, alevín, infantl e cadete) quedarían á marxe ao estar incluídas no Plan Xogade da Xunta de Galicia.
A este respecto, o presidente en funcións da FGF e responsable da Mutua de Previsión Social de Futbolistas Españois, José García Liñares, declarou o xoves que "si firmo el convenio presentado estos días por la Asociación de Hospitales de Galicia sobre la propuestas de tarifas entonces certificaría la ruina económica del fútbol de Galicia".
Segundo explicou García Liñares "a día de hoy tenemos unos acuerdos con Adeslas. La compañía cumple su parte del contrato en Pontevedra pero el servicio falla en A Coruña, Lugo e Ourense".
A Asociación de Hospitais, e polo tanto o Hospital Miguel Domínguez, manteñen que a medida será efectiva o 14 de outubro, data a partir da cal só atenderán urxencias vitais, tal e como obriga a normativa sanitaria.