Posta de longo da tempada para un renovado Club Natación Galaico
Por Redacción
Con preto de 200 nadadores nas diferentes categorías e obxectivos ambiciosos o Club Natación Galaico encara unha nova tempada con cambios no seu organigrama.
Tras a marcha de Álvaro Reiriz á Residencia Blume de Madrid, o adestrador do club Diego Pérez asume a dirección técnica dos diferentes equipos.
Miguel Cano: "Queremos optar a todos los campeonatos gallegos"
Por diante meses de competición nos que "queremos optar a todos los campeonatos gallegos", recoñeceu o presidente, Miguel Cano.
Ademais, mirando de esguello aos diferentes campionatos nacionais, intentarase lograr a permanencia na Primeira División da Copa de España de Clubs.
A nivel organizativo o Galaico será anfitrión en febreiro de 2015 do Campionato de España de Natación Máster, no que se espera a presenza de máis de 1.000 deportistas.