Presentación oficial do Poio FS con partido da Copa Xunta fronte ao Ourense
Por Redacción
Posta de longo para o Poio FS, que presenta ao seu primeiro equipo de forma oficial no pavillón da Seca (sábado, 18:30 horas). Aproveitando a celebración do compromiso correspondente á Copa Xunta, fronte ao Ourense, o club realizará a presentación oficial, así como o uniforme novo que lucirán as rapazas de Morenín nesta próxima nova tempada.
A única baixa por parte do equipo rojillo será a internacional portuguesa Ana Carolina Servolo "Zulu", que sufriu unha luxación no xeonllo e á que lle restan aínda 15 días de recuperación.
A convocatoria para este primeiro partido oficial compóñena Silvia e Irene en portaría, Elena, Charo, Jenny, Paloma, Yoly, Claudia, Raquel Souza e as canteranas Tania e Nerea Moldes que tan boa imaxe estan dando nos amigables disputados ata a data.
Despois das boas sensacións que está a deixar o equipo na pretempada, o conxunto adestrado por Gonzalo Iglesias enfróntase ao potente Ourense, coas súas xogadoras internacionais Vanessa Barbera, Marta Figueiredo, Rosangela, Sara Moreno e Laura Fernández.
A Pena Os Miñocas en colaboración co club arranca coa campaña de socios, na que os afeccionados poderán darse de alta por 20 euros para gozar da mellor liga do mundo. Ademais, tamén se poñerán á venda as novas bufandas do equipo.