Combarro presume de equipo de kaiak polo, campión galego sub-16
Por Redacción
Dende a súa creación en febreiro do 2011, o Club Kayak Polo Combarro creceu dende o equipo inicial ata participar a última tempada con dous equipos en categoría absoluta e un en sub-16 na Liga Galega.
O traballo realizado dende entón empeza a dar os seus froitos, dos que presume o club tras proclamarse campión galego sub-16 nun ano no que tamén obtivo o triunfo na Copa Galega de Kaiak Polo, celebrada ao longo de toda a tempada.
O equipo sub-16 é de carácter mixto e foi creado a través do programa de Escolas Deportivas Municipais del Concello de Poio.
O Kayak Polo Combarro adestra catro días á semana na dársena do porto deportivo de Combarro e chegou a participar na Segunda División da Liga Nacional Absoluta, finalizando en quinta posición entre os 12 equipos participantes.