Ribadumia acollerá un partido amigable entre Celta de Vigo e Sporting Braga
Por Redacción
O remodelado campo de fútbol da Senra, en Ribadumia, acollerá un amigable o próximo venres 5 de setembro (20:45 horas) entre Celta de Vigo e Sporting Braga.
A cita servirá como inauguración das instalacións e como homenaxe ao club local, que se estrea esta tempada en Terceira División.
Así o explicaron na presentación do encontro o presidente da Deputación, Rafael Louzán; a alcaldesa de Ribadumia, Salomé Peña; o conselleiro do Celta Antonio Rosendo; e o presidente do Ribadumia, José Ramón Cores.
As entradas custarán 10 euros e poderán adquirirse na sede do Club Deportivo Ribadumia, en horario de tarde, ou en oficinas de Abanca do Salnés.