Debut con vitoria do Ribadumia en Bouzas (2-3)
Por Redacción
O Ribadumia entrou pola porta grande en Terceira División, gañando na súa estrea na categoría no sempre complicado campo de Baltasar Pujales ante o Rápido de Bouzas (2-3).
Os de Gabi Leis, despois duns primeiros minutos de igualdade, foron pouco a pouco facéndose donos do partido ata que Changui inaugurou o marcador aos 27 minutos.
Só cinco minutos despois Fran Matos encarrilaba o partido co 0-2, pero David Castro recortou distancias antes do descanso para deixar todo aberto de cara ao segundo tempo.
Na reanudación os locais saíron máis centrados e lograron a igualada con fortuna, nun tanto en propia porta de Vázquez. O golpe non descompuxo ao Ribadumia, que nunha polémica xogada dispuxo dun penalti ao seu favor. Changui non o desperdiciou para facer o 2-3 que sería definitivo.
A próxima xornada os de Gabi Leis volverán xogar a domicilio nas Pontes.
CLUB RÁPIDO DE BOUZAS (2): Ferre, Portas, Cotilla, Yago Yao, David Castro, Iago paz (Vilas, min.75), Miki, Chema, Tomás, Diz, Carlos (Oki, min.62).
RIBADUMIA CF (3): Pazos, Riveiro, Río, Vázquez (Adrián, min.56), Martín Barreiro, David, Alex Gómez, Jesús, Jorge Fernández (Arán, min.72), Changui, Fran Matos (Padín, min.86).
Árbitro: Ventoso Noal, auxiliado por Ferrol Muñiz e Mirazo Insua. Amoestou a Portas, David Castro e Iago Paz polo Rápido e a Pazos, Vázquez, David e Padín no Ribadumia.
Goles: 0-1 Changui, min.27; 0-2 Fran Matos, min.32; 1-2 David Castro, min.41; 2-2 Vázquez, en propia porta, min.49; 2-3 Changui, de penalti, min.69.
Incidencias: Encontro disputado no Baltasar Pujales de Bouzas ante cerca de trescentos afeccionados.