Fin de semana de fútbol feminino en Poio e Pontevedra
Por Redacción
Os campos da Seca en Poio e A Xunqueira en Pontevedra serán escenarios esta fin de semana, dende o venres 22 ata o domingo 24, dunha serie de actividades que pretenden promover o fútbol feminino.
Desta forma, ademais de charlas técnicas ou unha mesa redonda terá lugar o Triangular Concello de Poio, o venres dende as 20:00 horas, con Sárdoma, Valladares e Atlético de Madrid (1ª División).
Pola súa banda o domingo será a quenda, dende as 10:00 horas na Xunqueira, do I Torneo Internacional Fútbol Feminino en Pontevedra, que contará coa participación de Boavista, El Olivo, Bértola, Atlético Arousana, Victoria, Barbadás, Ciudad de Pontevedra e Atlético de Madrid.
Estas xornadas foron presentadas na mañá deste martes na sala de prensa do Concello de Pontevedra.